Azərbaycan Premyer Liqasının IV turu çərçivəsində keçirilən “Qarabağ”-“Zirə” oyunu başa çatdı. Gərgin keçən oyun matçda tərəflər hərəyə bir dəfə fərqlənməklə bir xala qane oldular-“Qarabağ”-“Zirə”-1:1
xxxx
Oyunun 81-ci dəqiqəsində Kadi Borges “Qarabağ”ın bərabərlik topuna imza atdı-“Qarabağ”-“Zirə”-1:1
xxxx
“Qarabağ”-“Zirə” oyununda tərəflər fasiləyə yollandı. İlk hissədən sonra “Zirə” 0:1 irəlidədir.
xxxx
Bu gün futbol üzrə Azərbaycan milli komandasının Dünya Çempionatının seçmə mərhələsindəki oyunlarla əlaqədar yaranan fasilədən sonra Azərbaycan Premyer Liqasında IV tura start verilib. PFL bu günə iki qarşılaşma təyin edib.
Günün ikinci qarşılaşmasında “Qarabağ” “Azərsun Arena”da “Zirə”ni qəbul edir. “Köhlən atlar” matçda növbəti üç xallarını qazanmağı hədəfləyir. “Mavi qartallar” isə bu oyunda ən azı məğlub olmamaq haqqında düşünür. Hakim Rəşad Əhmədovun idarə etdiyi qarşılaşmada artıq oyunun 39-cu dəqiqəsində “Zirə” Ruan Renatonun penaltidən qolu ilə hesabı açdı-“Qarabağ”-“Zirə”-0:1
Turun digər görüşləri Şənbə və Bazar günün keçiriləcək. Şənbə günü iki qarşılaşma baş tutacaq.
Şənbə günü ilk olaraq “İmişli” “Quba Olimpia Kompleksinin Stadionu”nda gənclik şəhər təmsilçisi “Sumqayıt”ı qəbul edəcək. Keçən tur “Sabah”a qalib gələn “İmişli” bu tur uğurunu davam etdirmək istəyindədir. “Kimyaçılar”da maçtan qalib ayrılmaq istəyəcək.
Günün ikinci qarşılaşmasında “Turan Tovuz” “Azersun Arena”da “Qəbələ”ni qəbul edəcək. “Boz qurd” matçda üç xal üçün çıxacaq. Mövsüm başlayandan 1 xala qane olan “Qəbələ” bu oyunda ən azı məğlub olmamaq haqqında düşünəcək.
Bazar günün iki qarşılaşma baş tutacaq.
İlk olaraq “Şamaxı” “Şamaxı Şəhər Stadionu”nda “Karvan-Yevlax”ı qəbul edəcək. Milliyə Dünya Çempionatında ilk xalanı bəxş edən Ayxan Abbasovun yetirmələri bu oyunda ilk 3 xallarını qazanmağı arzulayacaq. Yevlaxlılar bu oyunda qələbə qazanaraq “Qarabağ” məğlubiyyətini yaddan çıxartmaq istəyirlər.
Günün və turun sonuncu qarşılaşmasında “Neftçi” “Palms Sports Arena”da “Sabah”ı qəbul edəcək. “Ağ-qaralar” bu oyunda ilk üç xallarını qazanmağı hədəfləyib.Keçən tur “İmişli”yə məğlub olan “bayquşlar” bu oyunda qələbə qazanmaq arzusunda olacaq.
Bu gün bir qarşılaşma baş tutub
Bu görüşdən əvvəl “Kəpəz” “Qəbələ Şəhər Stadionu”nda “Araz-Naxçıvan”ı qəbul edib. Görüşün ilk hissəsi başladığı hesaba bitib–“Kəpəz”-“Araz-Naxçıvan”-0:0. Oyunun 65-ci dəqiqəsində “Araz-Naxçıvan” Slavik Alxazovun qolu ilə hesabı açıb-“Kəpəz”-“Araz-Naxçıvan”-0:1. Oyunun 86-cı dəqiqəsində Bar Kohen “Araz-Naxçıvan”ın ikinci topuna imza atıb-“Kəpəz”-“Araz-Naxçıvan”-0:2. Bu görüşdə vurulan sonuncu qol olub və “Araz-Naxçıvan” matçdan 0:2 qalib ayrılıb.