ABŞ Niderlanda havadan müdafiə üçün raket sistemi satıb. Nəzər.Media “NTV Haber”ə istinadən xəbər verir ki, bu barədə məlumatı Pentaqonun nəzdnində fəaliyyət göstərən Müdafiə Təhlükəsizlik Əməkdaşlıq Agentliyi (DSCA) bildirib.
Məlumatda bildirilib ki, Niderlanda “AIM-120C-8” tipli orta mənzilli müasir raket sistemləri və onlarla bağlı avadanlıqların satışı təsdiqlənib. Bu barədə zəruri sertifikatlaşdırma ABŞ Konqresinə təqdim olunub. Bu satış təxminən 570 milyon dollara başa gələcəcək.
Yeni sistem Niderlandın havadan müdafiə qabiliyyətinin artırılmasına, mövcud və gələcək təhlükələrdən qorunmasına yardım edəcək.
//Nəzər.Media