Xarici mənbələrdə dərc olunan psixoloji araşdırmalara görə, insan üzünə baxarkən ilk diqqəti ən çox gözlər cəlb edir.
Diqqət izləmə (eye-tracking) texnologiyası ilə aparılan tədqiqatlarda müəyyən edilib ki, gözlər insanın emosiyalarını, xarakterini və niyyətlərini anlamaqda əsas rol oynayır.
Kaliforniya Universitetinin alimlərinin araşdırması isə maraqlı bir nəticə ortaya qoyub. Belə ki, insanlar üzü tanımaq üçün ilk baxışlarını birbaşa gözlərə yox, gözlərin azca aşağısına-burun üstü və gözaltı bölgəsinə yönəldirlər. Bu nahiyə üzün bütöv strukturunu qiymətləndirmək üçün ən optimal nöqtə sayılır.
Mədəniyyət fərqləri də bu məsələdə rol oynayır. Qərb ölkələrində insanlar daha çox gözlərə və ağıza diqqət yetirirlərsə, Şərqdə üzün mərkəzi xüsusilə burun daha çox ön plana çıxır.
Mütəxəssislər qeyd edirlər ki, cazibə dəyərləndirilməsində də fərqlər müşahidə olunur. Kişilər qadın üzündə ağıza daha çox baxmağa meyllidirlər, qadınlar isə kişilərin gözlərinə və saç xəttinə diqqət yetirirlər.
Beləliklə, müxtəlif yanaşmalara baxmayaraq, alimlərin yekun qənaətinə görə, üzdə ən çox diqqət çəkən üzv gözlərdir.
//Sfera.az