Ronaldonun qızı ilə fotosu gündəm oldu

Dünyaca məşhur futbolçu Kriştiano Ronaldo kiçik qızı ilə çəkdirdiyi təsirli fotosu ilə sosial şəbəkədə böyük maraq doğurub.

Görüntü ilk olaraq futbolçunun nişanlısı Corcina Rodriqesin “Instagram” hesabında paylaşılıb. Kadrlarda portuqaliyalı ulduz balaca qızını qucaqlayaraq mehribanlıqla öpür. İzləyicilər Ronaldonun bu şəklini “ata məhəbbətinin simvolu” adlandırıblar.

Foto futbolçunun qayğıkeş və sevgi dolu ata obrazını bir daha nümayiş etdirib. Qeyd edək ki, Ronaldo beş övlad atasıdır. Onlardan ikisini – Alana Martina və Bella Esmeraldayı Corcina Rodriqes dünyaya gətirib. Digər üç övladı isə böyük oğlu Kriştiano və surroqat ana vasitəsilə doğulan əkizlər – Mateo və Evadır.

Hazırda 15 yaşlı Kriştiano atasının yolunu davam etdirir. O, “Əl-Nəsr” klubunun U-15 komandasında çıxış edir və Portuqaliya millisinin həmin yaş qrupu üçün heyətinə dəvət alıb.

Ronaldo bu mövsüm “Əl-Nəsr”ın heyətində bütün turnirlərdə altı oyuna çıxaraq beş qol vurub və bir məhsuldar ötürmə ilə yadda qalıb. Komanda 12 xalla Səudiyyə Ərəbistanı Pro Liqasına liderlik edir.

//milli.az