Təbiətin bizə bəxş etdiyi, amma çox zaman diqqətdən qaçan bir bitki var ki, qiyməti qızıla bərabərdir. Doğru zamanda toplanıb istifadə edildikdə həm iqtisadi, həm də sağlamlıq baxımından böyük dəyərə malik olan bu bitki səhərin ilk saatlarında dəriləndə əsl şəfa mənbəyinə çevrilir. Bu qiymətli bitki adaçayıdır.
Adaçayının içindəki yağ və müalicəvi maddələrin miqdarı səhər saatlarında daha yüksək olur. Günəş çıxdıqca bitkinin tərkibindəki uçucu yağlar azalır və təsiri zəifləyir. Buna görə də, adaçayı kimi aromatik bitkilər – kəklikotu, melissa və s. gün çıxmamış yığılır.
Təbii və orqanik məhsullara tələbatın artması nəticəsində adaçayının qiyməti də son illərdə kəskin bahalaşıb. Hazırda bir kiloqram adaçayının qiyməti 45-85 manat arasında dəyişir.
Adaçayı yalnız çay kimi deyil, həm də kosmetika və efir yağları istehsalında geniş istifadə olunur.
Adaçayının faydaları
İmmuniteti gücləndirir
Öskürək və boğaz ağrısını azaldır
Diqqəti artırır, zehni yorğunluğu azaldır
Bədəni toksinlərdən təmizləyir
Dərinin sağlamlığını qoruyur və cild baxımında istifadə olunur
Mütəxəssislər xəbərdarlıq edirlər ki, adaçayından həddindən artıq istifadə yüksək təzyiq kimi problemlərə səbəb ola bilər.
//milli.az