Braziliyanın Rio-de-Janeyro şəhərində yerləşən məşhur “Marakana” stadionu satışa çıxarılır.
Bu qərar yerli hakimiyyət orqanları tərəfindən qəbul edilib. Addımın məqsədi stadionun saxlanılmasına çəkilən xərcləri azaltmaq və regionun 1,89 milyard avroluq borcunun bir hissəsini ödəməkdir.
Qeyd olunur ki, “Flamenqo”, “Fluminense” futbol klubları və Braziliya milli komandası ev oyunlarını məhz bu arenada keçirirlər.
78 min tamaşaçı tutumuna malik “Marakana” dünyanın ən tanınmış futbol stadionlarından biri hesab olunur və bir çox beynəlxalq turnirlərə ev sahibliyi edib.
//milli.az