“Uşaq vaxtı aktrisa Faina Ranevskayanı çox sevirdim. Bir dəfə jurnalist ondan soruşur ki, “Aktrisada nə olmalıdır? O da cavab verir ki, aktrisada abır-həya olmalıdır”.
Bu sözləri Əməkdar artist Gülşad Baxşıyeva “Amin” yutub layihəsində deyib. Aktrisa sənət adamlarının həyat tərzindən danışıb:
“İlk dəfə bunu eşidəndə cavan idim. Aktrisada abır-həyanın nə əlaqəsi var? İllər keçdi, bu işin içində oldum və gördüm ki, o qadın o qədər müdrik söz deyib. Abırsız, pozğun aktrisa və ya adama Culyetta, bakirə qız, təmiz adam rolunu versələr, onu oynaya bilməyəcək. Çünki içi artıq çirkabdır, onun bütün hərəkətləri istər-istəməz səhnəyə çıxacaq. Bunun şahidi olmuşam. Deməyəcəyəm hansı teatrda, amma bir tamaşa izləyirdim. Bir aktrisa çıxdı səhnəyə, bilirəm ki, bu, düz adam deyil. Arxada rusdilli tələbələr əyləşmişdi. Bunlar da əsəri bilirlər, baxdılar, dedilər ki, bu aktrisa elə bil səhnənin arxasından bu cür gəldi. Halbuki, obraz təmiz, bakirə qız idi. Amma onun pozğun həyatı necə canına hopubsa, yaşadığı həyatı səhnəyə gətirib”.
//Axsam.az