Bloger Fatimə Əhmədovanın müğənni əri Ülvi Nadiroğlunun (UlviFatime) şəxsi həyatı yenidən gündəmə gəlib.
Sənətçinin birinci evliliyindən olan oğlu ilə bağlı səsləndirilən fikirlər tərəflər arasında narazılıq yaradıb.
Son günlər mediada yayılan məlumatlara görə, Ülvinin həyat yoldaşı Fatimə Əhmədova bildirib ki, müğənni oğlu ilə daim əlaqə saxlayır və görüşür.
Lakin Ülvinin ilk həyat yoldaşı Səadət Hümbətova bu iddiaları təkzib edib. O, yayılan məlumatların doğru olmadığını deyib:
“Ülvinin oğluyla görüşdüyü barədə deyilənlər həqiqəti əks etdirmir. 10 ilə yaxın müddətdə o, övladını cəmi bir dəfə görüb. Uşağın 5 yaşına qədər ümumiyyətlə görüş olmayıb. Sonuncu dəfə isə il yarım əvvəl bibisi ilə birlikdə gəliblər. Daha sonra heç bir görüş istəyi olmayıb. Oğlum da nə atasını görmək istəyir, nə də onunla görüşmək. Bir də bu yersiz və lazımsız mövzuya görə mənim və oğlumun adının heç bir yerdə hallanmağını istəmirəm. Hər kəs öz həyatını yaşasın. Bu söz-söhbətlər oğluma çox pis təsir edib”.
//milli.az