Rusiyada körpəsinin ölümünə səbəb olan yeniyetmə məsuliyyətdən azad edilib.
Hadisə Krasnoyarskda baş verib.
Krasnoyarsk diyarının məhkəməsi 16 yaşlı qız barəsində qərar verib. Məlumata görə, qız təxminən 22 həftəlik hamilə olub. Ev şəraitində özü doğum edib, körpəni paketə qoyaraq zibil qabına atıb. Körpəni ətrafdakı insanlar tapıb, lakin xilas etmək mümkün olmayıb.
Doğumdan sonra qız daxili qanaxma ilə xəstəxanaya yerləşdirilib. Həkimlər hadisəni polisə bildiriblər.
Qızın barəsində cinayət işi açılıb. O, kollecdə təhsil alırdı və ətrafdakı heç kəs hamiləliyini fərq etməyib.
Məhkəmə qızı cinayət məsuliyyətindən azad edib və ona psixiatrik yardım göstərən tibb müəssisəsində məcburi müalicə təyin olunub.
//Milli.az