“Subo” ləqəbi ilə tanınan azərbaycanəsilli bloqer Sübhan Məmmədovu Dubayda canlı yayım zamanı döyməsinə görə Şovhal Çurçayev adlı MMA döyüşçüsünü ciddi cəza gözləyə bilər.
Nəzər.Media oxu.az-a istinadən xəbər verir ki, bu barədə Gazeta.ru-ya cinayət işləri üzrə vəkil Maksim Kalinov məlumat verib.
Onun sözlərinə görə, bu cinayətə görə Dubayda böyük məbləğdə cərimə və beş ilədək azadlıqdan məhrumetmə cəzası nəzərdə tutulur. Həmçinin, həmin şəxs deportasiya, ölkəyə giriş qadağası və digər hüquqi nəticələrlə üzləşə bilər.
Qeyd edək ki, Şovhal Çurçayev adlı MMA döyüşçüsü ilə uğursuz zarafat edən S.Məmmədov döyülüb.