İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Aparıcı Sərxan Kərəmoğlu müğənni Rəqsanə İsmayılova ilə arasında yaranan gərginliyə münasibət bildirib.
Aparıcı açıqlamasında qarşı tərəfin onun fikirlərini düzgün anlamadığını deyib. Sərxan qeyd edib ki, haqqında deyilən ittihamları qəbul etmir və məsələnin hüquqi müstəvidə həll olunduğunu vurğulayıb:
“Kim yalan danışırsa, Allah özü cəzasını versin. Mənim haqqıma girərək şantaj yolu ilə təzyiq göstərmək istəyənlər qanun qarşısında cavablarını alıblar. Qanun hamı üçün eynidir. Mən sənin qızını müdafiə etmişəm. Əgər bunu başa düşmək istəmirsənsə, bu artıq sənin seçimindir. Məni öz bildiyin üsullarla cəzalandırmaq istədin, amma nəticədə hər şeyi Allah və qanun həll etdi. Artıq dediyin sözlərə diqqət et. Məndən uzaq dur. Bu mövzunu ilk gündəmə gətirən də sən oldun, yenə də adımı hallandırdın. Açığı, sən heç mənim yadımda da deyilsən”.
Qeyd edək ki, tərəflər arasında qalmaqal Sərxan Kərəmoğlunun Rəqsanənin qızı Aysunun evliliyi ilə bağlı səsləndirdiyi fikirlərdən sonra alovlanıb. Aparıcı həmin vaxt evliliyin səmimiliyinə inanmadığını bildirib, münasibəti “oyun” adlandırmış və bu izdivaca inananları sərt şəkildə tənqid etmişdi. O, eyni zamanda Aysunun xarakteri ilə bağlı da fikirlər səsləndirmişdi.
//milli.az