İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Günəş sistemində hərəkət edən 41P quyruqlu ulduzu öz oxu ətrafında fırlanma sürətini inanılmaz dərəcədə dəyişərək elm dünyasında rekord qırıb. Astronomlar bu cismin fırlanmasının tamamilə dayanıb, sonra isə əks istiqamətdə başladığını ehtimal edirlər.
2017-ci ilin mart ayında 41P quyruqlu ulduzu öz oxu ətrafında bir dövrü 20 saata tamamlayırdı. Cəmi iki ay sonra, may ayında bu müddət 53 saata çıxdı. Yəni cisim kəskin şəkildə yavaşladı.
Kaliforniya Universitetinin (UCLA) astronomu David Jewitt qeyd edir ki, daha sonra fırlanma müddətinin 14,4 saata düşməsi, quyruqlu ulduzun əvvəlcə tam dayanması və sonra əks istiqamətdə sürətlənməsi ilə izah oluna bilər.
Quyruqlu ulduzlar buz və qayadan ibarətdir. Güneşə yaxınlaşdıqda buz birbaşa qaza çevrilir və səthdən güclü qaz fışqırmaları (jetlər) yaranır. Bu jetlər kiçik bir “mühərrik” rolunu oynayaraq, cismin fırlanma sürətini kəskin şəkildə dəyişə bilir.
Bu quyruqlu ulduz cəmi 1 kilometr diametrində olduğu üçün (astronomik ölçülərə görə çox kiçikdir), səthindəki qaz fışqırmaları onun hərəkətinə daha böyük təsir göstərir.
//milli.az