Kamçatkada baş verən 8,7 bal gücündə zəlzələ zamanı xəstəxanalardan birində 14 yaşlı məktəbli qız ana olub.
Yeniyetmə qız doğum şöbəsində 35 yaşlı anası, anestezioloq və mama-ginekoloqla birlikdə olub. Zəlzələ anında baş verən sancılar fonunda həkimlər qızı sakitləşdirərək doğuş prosesini uğurla tamamlayıblar. Yenidoğulan qız uşağına Evelina adı verilib.
Doğuşu mama-ginekoloq Mger Adamyan həyata keçirib. Ailə bu hadisədə göstərdikləri peşəkarlığa görə həkimlərin mükafatlandırılması üçün yerli hakimiyyətə müraciət etməyə hazırlaşır.
Qeyd edək ki, Kamçatkada 1952-ci ildən bəri ən güclü zəlzələ baş verib. Zəlzələdən sonra Saxalinin Severokurilsk bölgəsinə bir neçə tsunami dalğası çırpılıb. Təbii fəlakət nəticəsində dörd nəfərin xəsarət aldığı bildirilib.
//milli.az