İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
İsrail Baş naziri Benyamin Netanyahu Müdafiə naziri, Baş Qərargah rəisi və Mossad rəhbəri ilə keçirdiyi toplantıdan sonra İrana qarşı “qətiyyətli mübarizə” göstərişi verdiyini açıqlayıb.
Netanyahu İsrail ordusunun hazırda Tehranın mərkəzinə “artan güclə” zərbələr endirdiyini və bu intensivliyin yaxın günlərdə daha da artacağını bildirib.
Baş nazir bu əməliyyatın “varlığımızı və gələcəyimizi təmin etmək” üçün İsrail ordusunun (IDF) bütün gücü ilə aparıldığını vurğulayıb. O, bunu “40 ildir həyata keçirmək istədiyi hədəf” adlandırıb.
Netanyahu bu tarixi əməliyyatda ABŞ Prezidenti Donald Trampın və Amerika ordusunun verdiyi dəstəyi xüsusi qeyd edib.
Netanyahu çıxışında İranın raket hücumları nəticəsində İsrail daxilində baş verən ölümlərə də toxunub:
1 mart tarixində İranın ballistik raketinin Beyt Şemeş şəhərində yaşayış binasına və sinaqoqa birbaşa düşməsi nəticəsində 9 nəfər həyatını itirib, 28 nəfər yaralanıb. Bu, müharibənin başlanğıcından bəri İsrail daxilindəki ən ağır itkidir.
Ötən gün Tel-Əvivdə baş verən partlayışlarda da mülki vətəndaşların həlak olduğu bildirilib. Baş nazir həlak olanların ailələrinə başsağlığı verib və bu günləri “ağrılı günlər” kimi xarakterizə edib.
//milli.az