Dörd ölkə ABŞ-İran danışıqlarını müzakirə edib. Nəzər.Media “NTV Haber”ə istinadən xəbər verir ki, ortaq telefon danışığı Türkiyənin Xarici İşlər Naziri Hakan Fidanın təşəbbüsü ilə baş tutub.
Görüşdə Misir, Türkiyə, Oman və Pakistan iştirak edib.
Tərəflər regiondakı gərginliyi və vəziyyətin yumşaldılması yollarını müzakirə ediblər. Xüsusilə ABŞ ilə İran arasında aparılan danışıqlar diqqət mərkəzində olub.
Nazirlər diplomatik prosesin davam etməsinin vacibliyini vurğulayıblar. Koordinasiyanın gücləndirilməsi ilə müzakirələrin daha nəticəyönlü olması hədəflənir.
Görüşdə regionda sabitliyin qorunması üçün birgə addımların artırılması da qeyd olunub.
//Nəzər.Media