Texnologiya nəhəngi Meta fırıldaqçılıq və dələduzluq cəhdləri ilə əlaqəli 6,8 milyon “WhatsApp” hesabını silib.
Şirkətin verdiyi məlumata görə, bu hesabların əksəriyyəti Cənub-Şərqi Asiyada fəaliyyət göstərən mütəşəkkil cinayətkar şəbəkələr tərəfindən idarə olunan fırıldaq mərkəzləri ilə əlaqəli olub.
Meta-nın yaydığı açıqlamada bildirilir ki, bu mərkəzlərdə çox vaxt məcburi əməyə cəlb edilən insanlar vasitəsilə saxtakarlıq həyata keçirilir. Şirkət “WhatsApp”ın bu saxta hesabların böyük hissəsini aktivləşmədən əvvəl aşkarlayıb blokladığını vurğulayıb.
Meta eyni zamanda “WhatsApp” üçün fırıldaqçılığa qarşı yeni təhlükəsizlik funksiyalarını təqdim edib. Artıq istifadəçinin kontakt siyahısında olmayan biri onu qrup çatına əlavə etdikdə sistem xəbərdarlıq mesajı göndərəcək. Bu tədbir fırıldaqçıların insanları investisiya vədləri ilə aldadaraq saxta qruplara cəlb etməsinin qarşısını almağa yönəlib.
//milli.az