Azərbaycan Premyer Liqasının XXXI turu çərçivəsində keçirlən “Sabah”-“Kəpəz” oyunu başa çatdı. Gərgin keçən oyunda “Kəpəz” çempionluğunu rəsmiləşdirmiş “Sabah”a 0:1 qalib gəldi.
xxxx
Oyunun 46-cı dəqiqəsində “Kəpəz” Rəhman Hacıyevin qolu ilə hesabı açdı-“Sabah”-“Kəpəz”-0:1
xxxxx
Bu gün futbol üzrə Azərbaycan Premyer Liqasında XXXI tura start verilib. PFL bu günə iki qarşılaşma təyin edib.
Günün ikinci qarşılaşmasında “Sabah” “Bank Respublika Arena”da qədim Gəncə təmsilçisi “Kəpəz”i qəbul edir. “Bayquşlar”la “sarı göylər”in görüşünü Elvin Bayramov idarə edir. Artıq oyunda ilk hissə arxada qaldı. İlk hissədən sonra tərəflərdən heç biri fərqlənə bilməyib-“Sabah”-“Kəpəz”-0:0
Turun digər görüşlər Şənbə və Bazar günü keçiriləcək. Şənbə günü iki qarşılaşma baş tutacaq.
Günün ilk qarşılaşamasında “Qəbələ” “Qəbələ Şəhər Stadionu”nda “Qarabağ”ı qəbul edəcək. “Qırmızı-qaralar”la “köhlən atlar”ın görüşünü İnqilab Məmmədov idarə edəcək.
Günün ikinci qarşılaşmasında gənclik şəhər təmsilçisi “Sumqayıt” “Mehdi Hüseyinzadə adına Sumqayıt Şəhər Stadionu”nda “Araz-Naxçıvan”ı qəbul edəcək. “Kimyaçılar”la Muxtar Respublika təmsilçisnin görüşünü Rəvan Həmzəzadə idarə edəcək.
Turun sonuncu görüşləri bazar günü keçiriləcək.
Günün ilk qarşılaşmasında “Turan Tovuz” “Tovuz Şəhər Stadionu”nda “Karvan-Yevlax”ı qəbul edəcək. “Boz qurd”la Yevlax təmsilçisinin görüşünü Əkbər Əhmədov idarə edəcək.
Günün və turun sonuncu qarşılaşmasında “Neftçi” “Palms Sports Arena”da “Şamaxı”nı qəbul edəcək. “Ağ-qaralar”la “Şirlər”in görüşünü Tural Qurbanov idarə edəcək.
Bu gün bir qarşılaşma baş tutub.
Günün və turun ilk görüşündə “İmişli” “Quba Olimpia Kompleksinin Stadionu”nda “Zirə”ni qəbul edib. Görüşün ilk hissəsi başladığı hesabla bitti-“İmişli”-“Zirə”-0:0. Görüşün ikinci hissəsində qol olmadı və görüş başladığı hesabla bitti-“İmişli”-“Zirə”-0:0