Ermənistanın Konstitusiya Məhkəməsi parlament seçkilərinin nəticələri ilə bağlı təqdim olunan şikayətə 15 gün ərzində baxacaq.
Bu barədə “Armenpress” agentliyi Konstitusiya Məhkəməsinin mətbuat xidmətinə istinadən məlumat yayıb.
.Məlumata görə, məhkəmə “Güclü Ermənistan” blokunun parlament seçkilərinin nəticələrinin ləğv edilməsi və ya seçkilərin ikinci turunun keçirilməsi ilə bağlı müraciətini araşdıracaq.
“Ermənistanın Konstitusiya Məhkəməsi ‘Güclü Ermənistan’ blokunun ərizəsini nəzərdən keçirəcək və müraciətin təqdim edildiyi tarixdən etibarən 15 gündən gec olmayaraq qərar qəbul edəcək”, – deyə məlumatda bildirilib.
Qeyd edək ki, müraciətdə seçkilərin nəticələrinin etibarsız sayılması və ya ikinci turun təyin olunması tələb edilir.
//Big.az