Türkiyənin tanınmış müğənnisi Ebru Gündeş keçirdiyi estetik əməliyyatdan sonra paylaşdığı yeni fotolarla yenidən diqqət mərkəzinə düşüb.
Sənətçi sosial şəbəkə hesabında parıltılı qara səhnə geyimində çəkilmiş yeni şəkillərini izləyiciləri ilə bölüşüb. Fotolar qısa müddətdə geniş maraq doğuraraq minlərlə bəyənmə və şərh toplayıb.
İzləyicilər Ebru Gündeşin yenilənmiş görünüşü ilə bağlı çoxsaylı müsbət rəylər yazıblar. Sosial media istifadəçiləri onun daha gənc göründüyünü qeyd edərək sənətçinin yeni imicini yüksək qiymətləndiriblər.
Müğənni hazırda konsert fəaliyyətini davam etdirir və həm səhnə performansları, həm də sosial şəbəkə paylaşımları ilə pərəstişkarlarının diqqətini üzərinə çəkməyi bacarır.
Qeyd edək ki, son günlər Türkiyə mediasında Ebru Gündeşin üz gərmə əməliyyatı üçün təxminən 200 min ABŞ dolları xərclədiyi barədə iddialar yayılıb. Sənətçi konsertlərinin birində zarafatla tamaşaçılara “Necədir, cavanlaşmışam?” sualını ünvanlayıb. Zalda olan Demet Akbağ və Yılmaz Erdoğan isə onun görünüşü ilə bağlı tərif dolu fikirlər yazıblar.
//milli.az