Norveçdə güclü yanğın baş verib. Nəzə.Media Türkiyənin “Hürriyət” qəzetinə istinadən xəbər verir ki, hadisə Drammen şəhərində qeydə alınıb.
Yanğın yaşayış evlərindən birində başlayıb və güclü külək səbəbindən sürətlə yayılıb. Alov yaşayış binaları ilə yanaşı meşəlik əraziyə də keçib. Nəticədə 100-dən çox ev tamamilə yanaraq yararsız vəziyyətə düşüb. Təhlükə səbəbindən 400-dən çox sakin təxliyə edilib. Rəsmilər bunu ölkənin müasir tarixində ən böyük yanğınlardan biri adlandırırlar. Hadisə nəticəsində hələlik ölən və ya itkin düşən olmadığı bildirilir.
//Nəzər.Media