Tele-aparıcı Nigar Mahmudova İraqa səfəri zamanı etdiyi paylaşımla diqqət çəkib.
Aparıcı Kərbəla ziyarətində olub, daha sonra isə Samarra şəhərindən sosial şəbəkə hesabında izləyiciləri ilə görüntülər bölüşüb.
Səfəri zamanı ünvanına gələn suallara cavab verən Nigar Mahmudova dini baxışları ilə bağlı da açıqlama verib.
“Düşünməyin ki, qatı şiəyəm. Mən dini məzhəblərə ayırmadan yaşayıram. Bu dəfə Ümrə ziyarətimdən fərqli olaraq abayada deyil, çadradayam”, – deyə aparıcı bildirib.
O, həmçinin Kərbəlaya səfər etməyi planlaşdıranlara da tövsiyə verib.
“Nəyisə bilmirəmsə, mənə irad yox, məsləhət verin. Kərbəlaya gələnlər çadra alsınlar. Ziyarətgahlara çadra və corabsız girişə icazə verilmir”, – sözləri ilə izləyicilərinə müraciət edib.
Nigar Mahmudovanın paylaşımı sosial şəbəkələrdə maraqla qarşılanıb.
//milli.az