ABŞ-nin narkotik qaçaqmalçılığına qarşı əməliyyatları gözlənilən nəticəni verməyib. Nəzər.Media Türkiyənin “Hürriyət” qəzetinə istinadən xəbər verir ki, bunu ABŞ Narkotiklərlə Mübarizə İdarəsinin qiymətləndirməsi göstərib.
Bildirilir ki, dənizdə həyata keçirilən hücumlar narkotik axınını azaltmayıb. Əvəzində qaçaqmalçılar yeni marşrutlar və fərqli üsullar seçməyə başlayıblar. Onların daha çox sahilboyu ərazilərdən və hava nəqliyyatından istifadə etdiyi qeyd olunur. Hesabatda ABŞ-də narkotiklərin qiyməti və bazardakı həcminin də ciddi dəyişmədiyi vurğulanıb. ABŞ-nin son əməliyyatları isə beynəlxalq ictimaiyyətdə məhkəməsiz edam iddialarını yenidən gündəmə gətirib.
//Nəzər.Media