BMT-nin Baş katibi Antonio Quterreş Kiprə səfər edib. Nəzər.Media Türkiyənin “Hürriyət” qəzetinə istinadən xəbər verir ki, bu, son 16 ildə BMT baş katibinin adaya ilk səfəridir.
Quterreş səfər çərçivəsində Şimali Kipr Prezidenti Tufan Ərhürman və Cənubi Kipr rəhbəri Nikos Hristodulidis ilə ayrı-ayrılıqda görüşəcək. Sabah isə tərəflərin iştirakı ilə üçtərəfli görüş keçiriləcək. BMT Baş katibi Kipr danışıqlarının yenidən başlanmasına dəstək verməyi hədəfləyir. Eyni zamanda, tərəflər arasında etimadın gücləndirilməsi yolları da müzakirə olunacaq. Bildirilir ki, müsbət irəliləyiş olacağı təqdirdə Türkiyə, Yunanıstan və Böyük Britaniyanın iştirakı ilə qeyri-rəsmi beştərəfli görüşün keçirilməsi nəzərdə tutulur.
//Nəzər.Media