Oskar mükafatlı aktyor Cared Leto yenidən ittihamlarla gündəmə gəlib. Nəzər.Media Türkiyənin “Hürriyət” qəzetinə istinadən xəbər verir ki, BBC-nin sənədli filmində 10 qadın onun barəsində cinsi xarakterli zorakılıq və yolverilməz davranış iddiaları səsləndirib.
Qadınlar hadisələrin 2002–2016-cı illərdə, yetkinlik yaşına çatmadıqları və ya gənc olduqları dövrdə baş verdiyini bildiriblər. Sənədli filmdə Letonun keçmiş qastrol heyətinin üzvlərinin də açıqlamalarına yer verilib. Cared Leto isə nümayəndələri vasitəsilə bütün ittihamları rədd edərək onların həqiqəti əks etdirmədiyini bildirib.
//Nəzər.Media