Rusiyada bloger Hüseyn Həsənovun pul vəsaitlərinin leqallaşdırılması ilə bağlı qiyabi baxılan cinayət işi üzrə prokuror onun 6 il azadlıqdan məhrum edilməsini istəyib.
Axşam.az xəbər verir ki, bu barədə “REN TV”yə Həsənovun vəkili Mixail Yusupov məlumat verib.
İttihama görə, bloger 170 milyon rubldan çox vergidən yayınıb. Daha sonra isə həmin vəsaitin bir hissəsini daşınmaz əmlak alqı-satqısı müqaviləsi bağlayaraq leqallaşdırıb.
Hüseyn Həsənov ittihamları qəbul etmir. O, daha əvvəl vergi borcunu ödədiyini və məhkəmədə maraqlarını vəkillərinin qoruduğunu bildirib.
Qeyd edək ki, Həsənov 2025-ci ilin yazında qiyabi həbs olunub və axtarışa verilib.