Braziliyalı UFC döyüşçüsü Allan Nascimento 34 yaşında dünyasını dəyişib.
Bu barədə Ultimate Fighting Championship (UFC)-nin mətbuat xidməti məlumat yayıb.
Bildirilib ki, idmançının ölümü yuxuda olarkən ürək tutması nəticəsində baş verib.
Allan Nascimento peşəkar MMA karyerası ərzində 29 döyüş keçirib. O, 22 qarşılaşmada qələbə qazanıb. Braziliyalı döyüşçü UFC-də isə 6 dəfə oktagona çıxıb və bu görüşlərdə 4 qələbə, 2 məğlubiyyət göstəricisi ilə yadda qalıb.
//milli.az