Misirdə qədim məzarlar tapılıb. Nəzər.Media Türkiyənin “Hürriyət” qəzetinə istinadən xəbər verir ki, onların yaşı təxminən 5 min ildir.
Tapıntılar piramidalardan əvvəl inkişaf etmiş tikinti üsullarının olduğunu göstərir. Məzarların divarları aşağıda qalın, yuxarıda isə daha dar inşa edilib. Bu üsul sonradan pilləli və Giza piramidalarında da tətbiq olunub. Məzarların içərisində böyük taxta dayaqlar da aşkarlanıb. Araşdırmaçılar bu tapıntıların mühəndislik biliklərinin nəsillər boyu inkişaf etdiyini göstərdiyini bildiriblər. Kəşf qədim Misirdə möhtəşəm tikililərin yaranma tarixinin yenidən nəzərdən keçirilə biləcəyini göstərir.
//Nəzər.Media