Xalq artisti Röya Ayxan 12 illik fasilədən sonra Yaşıl Teatr səhnəsində pərəstişkarları ilə görüşüb.
İki günlük konsert proqramı möhtəşəm atmosfer, böyük coşqu və anşlaqla yadda qalıb.
Röya gecə ərzində illərdir sevilən hitləri ilə yanaşı, yeni mahnılarını da təqdim edib. Sənətçi “Müsadenizlə”, “Baldı baldı”, “Öz adamımsan” və “Dost” mahnılarını oxuyuv.
Gecənin ən böyük sürprizi isə Röya Ayxanın Xalq artisti Aygün Kazımovanın repertuarından “Uzaqlıq” mahnısını yeni aranjimanda ifa etməsi olub. İfa tamaşaçılar tərəfindən böyük alqışlarla qarşılanıb.
Tədbirdə Röyanın saç və makiyaj da daxil olmaqla səhnə stilini stilist Elnur Həsənov hazırlayıb.
//Axsam.az