ABŞ hərbçiləri ağır şəraitdədir. Nəzər.Media Türkiyənin “Hürriyət” qəzetinə istinadən xəbər verir ki, böhran təyyarədaşıyan gəmidə yaşanır.
“USS Abraham Lincoln” gəmisində 5 min hərbçi 250 gündür sahilə çıxmadan xidmət edir. Gəmidə kifli duşlar, işləməyən tualetlər və qida çatışmazlığı ilə bağlı şikayətlər var. Hərbçilərin ailələri bəzi əsgərlərin özlərini dənizə atmağa çalışdığını bildiriblər. ABŞ rəsmiləri isə gəmidə intihar cəhdlərinin artdığını təsdiqləməyib. ABŞ Hərbi Dəniz Qüvvələri uzunmüddətli xidmətin hərbçilər və ailələri üçün ciddi yük olduğunu qəbul edib.
//Nəzər.Media