Sentyabrın 1-də Bakıda və Abşeron yarımadasında yağışlı hava şəraiti müşahidə olunacaq.
Milli Hidrometeorologiya Xidmətinin məlumatına görə, paytaxt və yarımadanın bəzi ərazilərində fasilələrlə yağış yağacağı gözlənilir. Ayrı-ayrı yerlərdə yağıntının qısamüddətli leysan xarakterli və intensiv olacağı, şimşək çaxacağı ehtimal edilir.
Səhər saatlarında yağışın tədricən kəsiləcəyi, gün ərzində isə havanın əsasən yağmursuz keçəcəyi proqnozlaşdırılır. Şimal-qərb küləyi arabir güclənəcək, günorta saatlarında isə şimal-şərq küləyi ilə əvəzlənəcək.
Bakıda və Abşeron yarımadasında havanın temperaturu gecə 18-20°, gündüz 23-26° isti olacaq. Atmosfer təzyiqi 761 mm civə sütunu təşkil edəcək, nisbi rütubət isə 75-85 faiz arasında dəyişəcək.
Ölkənin rayonlarında da bəzi yerlərdə fasilələrlə yağış yağacağı gözlənilir. Dağlıq və dağətəyi ərazilərdə yağıntının leysan xarakterli və intensiv olacağı, şimşək çaxacağı və dolu düşəcəyi ehtimal olunur. Gecə və səhər saatlarında bəzi dağlıq ərazilərdə duman müşahidə edilə bilər.
Rayonlarda mülayim şərq küləyi əsəcək. Havanın temperaturu gecə 18-21°, gündüz 25-29° isti olacaq. Dağlıq ərazilərdə gecə 10-15°, gündüz isə 18-22° isti təşkil edəcək.
//Nəzər.Media