Əməkdar jurnalist Xoşqədəm Hidayətqızı “Qarabağ”ın baş məşqçisi Qurban Qurbanovla bağlı diqqətçəkən paylaşım edib.
Jurnalist fikirlərini şəxsi “Facebook” hesabında bölüşüb. O, Qurban Qurbanovun Azərbaycan futboluna qazandırdığı uğurların və zəfərlərin unudulmamalı olduğunu vurğulayıb.
Xoşqədəm Hidayətqızı paylaşımında cəmiyyətdə qəhrəmanlara münasibətin tez-tez dəyişməsini tənqid edib. Jurnalist qeyd edib ki, bəzən insanların özlərinin ucaltdığı şəxslər daha sonra yenidən həmin insanlar tərəfindən sərt tənqidlərə məruz qalırlar.
“Bizim ən böyük problemimiz budur: qəhrəmanımızı özümüz yaradırıq, sonra özümüz yıxırıq. Alqışladığımızı sabah linç edirik. Qurban bəy, verdiyiniz zəfərlər unudulmaz. Rəbbim hər şeyi görür, bilir. Zəfər də, imtahan da Ondandır. Möhkəm olun”, – deyə Xoşqədəm Hidayətqızı yazıb.
//milli.az