Azərbaycan Premyer Liqasının II turu çərçivəsində keçirilən “İmişli”-“Neftçi” oyunu başa çatdı. Gərgin keçən matç başladığı hesabla bitdi-“İmişli”-“Neftçi”-0:0
xxxx
Bu gün futbol üzrə Azərbaycan Premyer Liqasında II tura start verilib. PFL bu günə iki qarşılaşma təyin edib.
Günün və turun ilk qarşılaşmasında “İmişli” “İmişli Şəhər Stadionu”nda “Neftçi”ni qəbul edir. İlk turda məğlub olan debütant bu oyunda ən azından bir xal qazanmağa cəhd göstərəcək. “Neftçi” isə mövsümdə ilk qələbəsini qazanmağa çalışır. Hakim Rauf Cabarovun idarə etdiyi qarşılaşmada artıq ilk hissə arxada qaldı. İlk hissədən sonra tərəflərdən heç biri fərqlənə bilməyib-“İmişli”-“Neftçi”-0:0
Günün ikinci qarşılaşmasında “Qarabağ” “Azərsun Arena”da gənclik şəhər təmsilçisi “Sumqayıt”ı qəbul edəcək. UEFA Çempionlar Liqasınım play-off mərhəlsinin cavab görüşü ərəfəsində “köhlən atlar” çox güc sərf etmədən qələbə qazanmaq istəyəcək. “Kimyaçılar” isə maçtda ən azından məğlub olmamaq haqqında düşünəcək.
Turun digər görüşləri Cümə, Şənbə və Bazar günü və Bazar Ertəsi günü keçiriləcək. Şənbə günü bir qarşılaşma baş tutacaq.
Şənbə günü günün yeganə qarşılaşmasında “Kəpəz” “Qəbələ Şəhər Stadionu”nda “Karvan-Yevlax”ı qəbul edəcək. Nizami yurdunun təmsilçiləri bu oyunda ilk üç xallarını qazanmağı düşünəcək. İlk turda bir xala sevinən Yevlax təmsilçisi də bu oyunda xal qazanmaq niyyətində olacaq.
Bazar günü iki qarşılaşma baş tutacaq.
Bazar günü günün ilk oyununda “Şamaxı” “Şamaxı Şəhər Stadionu”nda “Sabah”ı qəbul edəcək. “Şirlər” doğma publika önünüdə məğlub olmamaq haqqında düşünəcək. “Bayquşlar” isə mövsümdə ilk qələbələrini qazanmağa çalışacaq.
Günün ikinci qarşılaşmasında “Turan Tovuz” “Azərsun Arena”da “Araz-Naxçıvan”ı qəbul edəcək. Tovuzlular mövsümdə ikinci qələbələrini qazanmağa çalışacaq. Muxtar Respublika təmsilçisi də meydana qələbə üçün çıxacaq.
Turun sonuncu görüşü bazar günü baş tutacaq.
Günün yeganə və turun sonuncu qarşılaşmasında “Qəbələ” “Qəbələ Şəhər Stadionu”nda “Zirə”ni qəbul edəcək. “Qəbələ” doğma publika önün qələbə qazanmağa çalışacaq. “Mavi qartllar”da matçdan üç xalla ayrılmağa çalışacaq.