Hazırda ölkə üzrə təxminən 300 məktəbdə şagirdlər üçün davranış qaydalarına əsasən dərs zamanı mobil telefonlardan istifadəyə məhdudiyyət qoyulub.
Bu barədə jurnalistlərə açıqlamasında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov məlumat verib.
O qeyd edib ki, həmin qaydaların bütün ümumtəhsil müəssisələrində tətbiq olunması istiqamətində son mərhələyə daxil olunub.
“Qısa müddət ərzində bu qaydaların bütün ölkə məktəblərində tam şəkildə tətbiqinə başlanacaq”,- deyə Eşqi Bağırov bildirib.
//milli.az