Təhsil və şəxsi həyat arasında maraqlı əlaqə üzə çıxıb.
Xarici ölkələrdə aparılan genişmiqyaslı araşdırma göstərib ki, ali təhsil səviyyəsi yüksək olan şəxslərin intim münasibətlərdə fəallığı bəzi hallarda daha aşağı olur.
“Proceedings of the National Academy of Sciences” jurnalında dərc olunan məqalədə qeyd edilir ki, Böyük Britaniya və Avstraliyadan yüz minlərlə insanın iştirakı ilə aparılan tədqiqat insan həyatında təhsilin rolunu qiymətləndirməyə yönəlib.
Nəticələr maraqlı mənzərə ortaya qoyub. Belə ki, iştirakçıların kiçik bir hissəsi, təxminən 1 faiz heç vaxt intim münasibətdə olmadığını etiraf edib.
Mütəxəssislərin fikrincə, bu tendensiyanın arxasında əsasən karyeraya həddindən artıq diqqət, iş yükü və şəxsi həyata vaxt ayıra bilməmək dayanır. Zaman keçdikcə bu vərdişə çevrilir və insanların münasibətlərə yanaşması dəyişir. Bununla yanaşı, sosial təsirlər də unudulmamalıdır. Cəmiyyətin bir hissəsində formalaşmış “yalnız kitabla yaşayan və ictimai həyatdan uzaq qalan” obrazı müəyyən mənada stereotip yaradır və bu da şəxsi münasibətlərin qurulmasına əngəl törədir.
Tədqiqatçılar bildirirlər ki, təhsil və intim həyat arasındakı balansın daha dərindən öyrənilməsi vacibdir. Çünki belə məlumatlar yalnız elmi maraq doğurmur, həm də cəmiyyətin münasibətlərə yanaşmasına yeni baxış bucağı gətirə bilər.
//milli.az