“Düşünürəm ki, yolum elə incəsənətdir. Allah mənə bu yolu açıb. Musiqi planımda deyil. Amma rəssamlıqla aram yaxşıdır. Animatorluq istəyirəm. Alınmasa illustratorluq arzulayıram”.
Bu sözləri mərhum Əməkdar artist Aygün Bəylərin qızı Canan “Xəzər axşamı”na açıqlamasında deyib. Malayziyada yarışda medal qazanan Canan arzularından bəhs edib.
“İstəyərdim anam mənimlə fəxr etsin. Onun haqqında hər gün düşünürəm. Hər gecə anamı yuxuda görürəm” deyə, Canan əlavə edib.
Qeyd edək ki, 15 yaşı olan Canan 10-cu sinifdə təhsil alır. Canan bir müddət əvvəl açıqlamasında bildirmişdi ki, Malayziyada müsabiqədə qalib olsa, Amerikaya gedəcək.
A.Bəylər uzun sürən xərçəng xəstəliyindən ötən il dünyasını dəyişib.
//Axşam.az