Səudiyyə Ərəbistanının Taif şəhərində “Yaşıl Dağ” əyləncə parkında yerləşən məşhur “360 Degrees” attraksionu qəfil qırılaraq iki yerə parçalanıb.
Hadisə nəticəsində azı 23 nəfər müxtəlif dərəcədə xəsarət alıb, onlardan üçü ağır vəziyyətdədir.
Şahidlərin sözlərinə görə, qırılan dirək yüksək sürətlə arxaya doğru qayıdaraq əks tərəfdə dayanan insanlara çırpılıb. Həmçinin, qırılma zamanı hələ attraksionda əyləşmiş şəxslər də yaralanıb.
Hadisəyə dərhal təhlükəsizlik və təcili yardım xidmətləri müdaxilə edib, yaralılar ilkin tibbi yardım göstərildikdən sonra xəstəxanaya çatdırılıblar. Faktla bağlı polis attraksionun nasazlığının səbəbini araşdırmaq üçün təcili istintaq başladıb.
Qeyd edək ki, bu il Hindistanın paytaxtı Dehlidə oxşar hadisə baş vermiş, Parkda 24 yaşlı qadın Priyanka roller kosterdən düşərək həyatını itirmişdi. Hadisə oturacaq kəmərinin sıradan çıxması səbəbindən baş vermişdi.
//milli.az