Kredit və digər xidmətlərdə tətbiq edilən keşbek kampaniyalarının azalması və bankların faiz dərəcələrini endirməsi vətəndaşların diqqətindən qaçmır.
Bəs keşbek faizlərinin azalması nə ilə əlaqədardır?
Məsələ ilə bağlı iqtisadçı ekspert Rəşad Həsənov bildirir ki, bank müştərini cəlb etmək üçün kəşbek kompaniyalarını yaradıb:
“Keşbek kimi əlavə təşviq mexanizmləri bankların xərclərini artırır. Faizlər aşağı düşəndə banklar gəlirlərini qorumaq üçün belə əlavə endirim və bonusları məhdudlaşdırırlar. İqtisadi qeyri-müəyyənlik və risklərin artması bankların daha ehtiyatlı davranmasına səbəb olur.
Nəticədə faizlərin aşağı salınması ilə birlikdə keşbek kampaniyalarının dayandırılması bankların maliyyə dayanıqlığını təmin etmək və uzunmüddətli gəlirliliklərini qorumaq məqsədini güdür. Bu, həmçinin bazarda rəqabət şəraitinin dəyişməsi və iqtisadi göstəricilərin təsiri ilə bağlıdır”.
//milli.az