“Bayern Münhen”in əsas ulduzu” Real Madrid”lə oyunu buraxa bilər.
İngiltərə milli komandasının düşərgəsindən “Bayern Münhen” üçün sarsıdıcı xəbər gəlib. Ulduz hücumçu Harri Keynin beynəlxalq fasilə zamanı zədələndiyi rəsmən təsdiqlənib.
Məlumata görə, təcrübəli hücumçu məşq zamanı “kiçik bir problem” yaşayıb və bu səbəbdən Yaponiyaya qarşı keçiriləcək yoldaşlıq oyununu qaçıracaq. Hazırda Keyn hələ Münhenə qayıtmayıb və milli komandanın düşərgəsində qalaraq tibbi nəzarətdə saxlanılır.
İngiltərə millisinin baş məşqçisi Tomas Tuxel əslində Keyni qorumağı planlaşdırırdı:
İstirahət planı: Tuxel futbolçunu Uruqvayla ilk oyunda dincəltmək, tam bərpa olunduqdan sonra isə Yaponiya ilə matçda əsas heyətdə meydana buraxmaq niyyətində idi.
Köhnə zədə: Keyn daha əvvəl “Atalanta” ilə Çempionlar Liqası oyununu baldırındakı problem səbəbindən qaçırmışdı. Bu fasilə onun bərpası üçün fürsət kimi görülürdü, lakin məşqdəki gözlənilməz hadisə planları alt-üst etdi.
”Bayern Münhen” azarkeşlərini ən çox narahat edən məqam zədənin ciddiyyətidir. Cəmi bir həftə sonra Çempionlar Liqasında “Real Madrid”lə qarşılaşacaq olan Almaniya təmsilçisi, əsas qol silahının həmin oyuna yetişib-yetişməyəcəyini həyəcanla gözləyir.
Tarix təkrarlanır? Keçən il Kanada millisinin ulduzu Alfonso Devisin də beynəlxalq fasilədə “yüngül zədə” adı ilə başlayıb mövsümü qapatması “Bayern” camiəsində “tarix təkrarlanır” qorxusu yaradıb.
Vinsent Kompaninin komandası Keynin təcili olaraq Münhenə qaytarılmasını və klubun tibbi heyəti tərəfindən müayinə olunmasını tələb edir. Hazırda klub rəhbərliyi və texniki heyət həyəcanla İngiltərədən gələcək son diaqnozu gözləyir.
//Offsideplus.az