Almaniyanın avtomobil nəhənglərindən olan BMW Çinin “Momenata” şirkəti ilə strateji tərəfdaşlıq edəcək. Nəzər.Media “haberler.com” saytına istinadən xəbər verir ki, şirkətlər yeni nəsil ağıllı sürmə dəstək sistemi üzərində birgə işləyəcəyini açıqlayıb.
Yeni məhsul sırf Çin bazarı üçün nəzərdə tutulacaq. Bu müasir sistem, sürücülərə müxtəlif yol və hərəkət ssenarilərində intellektual naviqasiya imkanı təqdim edəcək. Həmçinin, istifadəçilərin məlumatlarının qorunması ön planda tutularaq, sistem Çin qanunvericiliyinə və məlumat təhlükəsizliyi tələblərinə tam uyğun şəkildə hazırlanacaq.
BMW-nin bu addımı, markanın texnologiyanı lokal ehtiyaclara uyğunlaşdırmaqda və süni intellekt sahəsindəki qlobal inkişafı yerli bazarda tətbiq etməkdə nə qədər israrlı olduğunu göstərir.
//Nəzər.Media