Zəfər Günü münasibətilə ardıcıl 4 gün iş olmayacaq.
Bu həftəsonundan etibarən Azərbaycanda vətəndaşlar ardıcıl dörd gün istirahət edəcəklər.
Məlum olduğu kimi, 8 noyabr – Zəfər Günü, 9 noyabr – Dövlət Bayrağı Günü kimi qeyd olunur. Hər iki tarix şənbə və bazar günlərinə təsadüf etdiyindən, Əmək Məcəlləsinə və Nazirlər Kabinetinin qərarına əsasən, 10 və 11 noyabr da qeyri-iş günü olacaq.
Beləliklə, vətəndaşlar 8, 9, 10 və 11 noyabrda istirahət edəcək, 12 noyabr – Konstitusiya Günü isə iş günü kimi qeyd olunacaq.
Milli Dirçəliş Günü (17 noyabr) də bu il iş günü hesab olunur.
Bundan əlavə, Əmək Məcəlləsinin 108-ci maddəsinə əsasən, bayram günlərindən əvvəlki iş günlərinin müddəti bir saat qısaldılır.
Beləliklə, 7 noyabr bayramqabağı gün hesab edilir və bu səbəbdən həmin gün iş saatı bir saat az olacaq.
//milli.az