Azərbaycan Badminton Federasiyasının prezidentinin idman məsələləri üzrə müşaviri Əjdər Cəfərov Çində işgüzar səfərdədir. Səfər çərçivəsində Asiyada kifayət qədər tanınan brendlərdən sayılan “Flexpro” ilə əməkdaşlıq, sponsorluq məsələləri müzakirə olunub. “Flexpro” brendinin nümayəndəsi Əjdər Cəfərova təqdim etdikləri məhsullarla bağlı ətraflı məlumat verərək ABŞ, Kanada, Cənubi Koreya, Sinqaur, İndoneziya, Malayziya və digər ölkələrdə geniş satış şəbəkəsinə malik olduqlarını qeyd edib.
Səfər zamanı Çinin 15-ci milli oyunlarını izləyən Əjdər Cəfərov bir sıra seminarlarda iştirak edib.
