Əməkdar artist Gülzar Qurbanova rejissor həyat yoldaşı Elxan Cəfərovla birgə fotosunu izləyiciləri bölüşüb.
Aktrisa ömür-gün yoldaşının ad günü olduğunu paylaşımı ilə bildirib.
Sənətçi bu sözlərlə onu təbrik edib:
“Günəş hər axşam batır, yenidən doğmaq üçün üfüqün o tayına keçir. Biz də çox vaxt qürubun içindən keçirik – yenidən doğulmaq üçün.
Biz bu həyat adlı filmin qəhrəmanlarıyıq, kadrın içindən keçirik və həyat bizi çəkir – rejissoru görünməyən bir film kimi. İnanıram, ən gözəl kadrlar hələ qabaqdadır. Səninlə həyat adlı filmdə olmaq ən gözəl hekayədir. Həyatda mən Mauqliyə bənzəsəm də, kinomuzun Mauqlisi sənsən. Qoy, içimizdəki o azad ruh həmişə diri qalsın, qorxmadan, səmimi və sadə. Doğum günün mübarək”.
//milli.az