Türkiyənin Mersin şəhərində qeyri-adi evlilik təklifi cəhdinə şahidlik edilib. 5 ildir münasibətdə olan gənc, sevgilisinə unudulmaz təklif hazırlamaq istəyib.
O, dostlarının köməyi ilə maraqlı, lakin riskli bir plan qurub. Süni qəza səhnəsi yaradaraq sevgilisini qorxutmaqla evlilik təklifi etməyi planlaşdırıb.
Gənc yol kənarında motosikletini yerə salıb, üstünə qəzet örtərək “qəzaya düşmüş” kimi davranıb.
Sevgilisi “hadisə” barədə xəbər aldıqda dərhal hadisə yerinə gəlib və sevgilisinin bu vəziyyətdə olduğunu görüb göz yaşlarına boğulub. Lakin elə bu anda gənc qəfildən yerindən qalxaraq cibindən üzük çıxarıb evlilik təklifi edib.
Hadisənin bu cür gedişi qızı daha da əsəbiləşdirib. O, gözlənilməz təklifə sərt reaksiya verərək, sevgilisinə bir şillə vurub, hadisə yerindən uzaqlaşıb.
Sosial şəbəkələrdə yayılan video izləyicilər arasında geniş müzakirədoğurub. Bəziləri gəncin planını “romantik, amma uğursuz”, digərləri isə “yersiz zarafat” kimi dəyərləndiriblər.
//milli.az