İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Abşeron rayon Saray qəsəbəsində evlərə qrunt suları dolur.
Sakinlər iddia edir ki, qrunt sularının artmasının səbəbi yaxınlıqdakı gölün torpaqla doldurulmasıdır. Qeyd edək ki, ərazidə çoxmərtəbəli bina inşa olunur.
Sakinlər bildiriblər ki, bir müddət əvvələ kimi qrunt suları həyətə az dolurdu, indi isə vəziyyət dəyişib. Yağış yağan kimi həyət göl olur.
Vətəndaşların iddialarına əsasən, ərazidə tikinti aparan şirkətinin mövqeyini öyrənməyə çalışsaq da təəssüf ki mümkün olmadı.
Məsələ ilə bağlı Abşeron Rayon İcra Hakimiyyətindən bildirildi ki, Saray qəsəbəsində mərkəzləşdirilmiş kanalizasiya xətləri yoxdur:
“Qəsəbədə 10 mindən artıq ev var, burda bəzi yerlərdə 60-70 il əvvəl çəkilmiş kanalizasiya xətlərindən istifadə edilir. Qəsəbənin yeni yaşayış massivlərində kanalizasiya xətləri olmadığından sakinlər çirkab quyularından istifadə edirlər. Bu isə qəsəbənin relyefinə görə çökək olan ərazilərdə qrunt sularının üzə qalxması yağmurlu günlərdə isə su basmaya səbəb olur”.
Sözügedən problemlə bağlı ADSEA-dan qeyd edildi ki, xidmətin mərkəzləşdirilmiş su və kanalizasiya şəbəkəsi olmayan ərazilərdə mərhələli şəkildə tikinti quruculuq işləri aparılır.
//milli.az