Azərbaycan Premyer Liqasının XIII turu çərçivəsində keçirilən “Qarabağ”-“Karvan-Yevlax” oyunu başa çatdı. Gərgin keçən oyunda “Qarabağ” 2:0 qalib ayrıldı.
xxx
Oyunun 89-cu dəqiqəsində Nəriman Axundzadə “Qarabağ”ın ikinci topuna imza atdı-“Qarabağ”-“Karvan-Yevlax”-2:0
xxxx
Oyunun 79-cu dəqiqəsində “Qaraba” Emmanuel Addainin qolu ilə hesabı açdı-“Qarabağ”-“Karvan-Yevlax”-1:0
xxxx
Dünən futbol üzrə Azərbaycan Premyer Liqasında XIII tura start verilib. PFL bu günə iki qarşılaşma təyin edib.
Günün ikinci qarşılaşmasında “Qarabağ” “Azərsun Arena”da “Karvan-Yevlax”ı qəbul edir. Çətin “Napoli” səfərindən sonra “köhlən atlar” bu oyunda audsayder üzərində rahat qələbə qazanmaq istəyir. Yexlaxlılar isə çətin səfərdən gələn rəqibdən səfərdə möcüzə nəticəsində 1 xal almağa çalışır. Hakim Kamranbəy Rəhimovun idarə etdiyi qarşılaşmada artıq oyunda ilk hissə arxada qaldı. İlk hissdən sonra tərəflərdən heç biri fərqlənə bilməyib-“Qarabağ”-“Karvan”-0:0
Turun sonuncu görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq “Şamaxı” “Şamaxı Şəhər Stadionu”nda gənclik şəhər təmsilçisi “Sumqayıt”ı qəbul edəcək. “Şamaxı” bu oyunda növbəti üç xalını qazanmağa çalışacaq. “Kimyaçılar”da bu oyuna üç xal üçün çıxacaq.
Günün və turun sonuncu oyununda “Qəbələ” “Qəbələ Şəhər Stadionu”nda “Araz-Naxçıvan”ı qəbul edəcək. Meydan sahibləri bu oyunda ən azından məğlub olmamaq haqqında fikirləşəcək. Muxtar Respublika təmsilçisi isə bu oyunda növbəti üç xalını qazanmağa çalışacaq.
Qeyd etdiyimiz kimi futbol üzrə Azərbaycan Premyer Liqasının XIII turuna dünən start verilib. PFL açılış gününə iki qarşılaşma təyin edib.
Günün ilk oyununda “Kəpəz” “Yevlax şəhər stadionu”nda “Zirə”ni qəbul edib. Görüşün ilk hissəsi başladığı hesabla bitib-“Kəpəz”-“Zirə”-0:0. Oyunun 62-ci dəqiqəsində “Zirə” Leroy Mikelsin qolu ilə hesabı açıb-“Kəpəz”-“Zirə”-0:1. Oyunun 84-cü dəqiqəsində İssa Cibrila “Zirə”nin ikinci topuna imza atıb-“Kəpəz”-“Zirə”-0:2. Bu oyunda vurulan son qol olub və “Zirə” matçdan 0:2 qalib ayrılıb.
Günün ikinci qarşılaşmasında “Turan Tovuz” “Tovuz Şəhər Stadionu”nda “Neftçi”ni qəbul edib. Görüşün ilk hissəsində tərəflərdən heç biri fərqlənə bilməyib-“Turan Tovuz”-“Neftçi”-0:0. Oyunun ikinci hissəsi də qolsuz bərabərliklə bitib və beləcə görüş başladığı hesabla bitib-“Turan Tovuz”-“Neftçi”-0:0
Bu gün bir qarşılaşma baş tutub.
Günün ilk qarşılaşmasında “İmişli” “Quba Olimpia İdman Kompleksinin Stadionu”nda “Sabah”ı qəbul edib. Görüşün ilk hissəsi başladığı hesabla bitti-“İmişli”-“Sabah”-0:0. Oyunun 54-cü dəqiqəsində “Sabah” Amin Seydiyevin qolu ilə hesabı açıb-“İmişli”-“Sabah”-0:1. Oyunun 60-cı dəqiqəsində Stiv Solvet “Sabah”ın ikinci topuna imza atıb-“İmişli”-“Sabah”-0:2. Oyunun 90+3-cü dəqiqəsində Kahim Parris “Sabah”ın üçüncü topuna imza atıb-“İmişli”-“Sabah”-0:3.Bu oyunda vurulan son qol oldu və “Sabah” üç xalı üç cavabsız qolla qazandı-“İmişli”-“Sabah”-0:3.