Ötən gün mətbuatda Pakistanın həbsdə olan sabiq baş naziri İmran Xanın öldürülməsi barədə xəbərlər yayılıb.
Adiala Həbsxanası İmran Xanın öldürüldüyü və müəssisədən çıxarıldığı barədə yayılan məlumatları təkzib edib.
Bildirilib ki, o, hazırda həbsxanadadır və səhhəti stabil vəziyyətdədir. Rəsmilər şayiələrin əsassız olduğunu, keçmiş baş nazirin daimi tibbi nəzarətdə saxlanıldığını vurğulayıb.
Açıqlama son günlər sosial mediada yayılan şayiələri aradan qaldırmaq məqsədi daşıyır.
Xatırladaq ki, İmran Xan və onun həyat yoldaşı 2024-cü ilin yanvarında korrupsiya ittihamı ilə 14 il azadlıqdan məhrum edilib. Bununla yanaşı, o, dövlət sirrini yaydığına görə daha 10 il həbs cəzası alıb.
//milli.az