İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
İndoneziya hökuməti İlon Maskın rəhbərlik etdiyi xAI şirkətinin hazırladığı “Grok” adlı süni intellekt çatına müvəqqəti məhdudiyyət tətbiq edib. Qərar təhlükəsizlik və etik narahatlıqlarla əsaslandırılıb.
Bu barədə “The Guardian” nəşri yazıb.
İndoneziya “Grok”un fəaliyyətini məhdudlaşdıran ilk ölkə kimi tarixə düşüb. Hakimiyyət orqanlarının açıqlamasına əsasən, çatın görüntü yaratma funksiyası vasitəsilə qeyri-qanuni məzmunun, xüsusilə azyaşlıların iştirakı ilə pornoqrafik materialların hazırlanması halları aşkar edilib.
Ölkənin Kommunikasiya və Rəqəmsal Texnologiyalar naziri Meytiya Hafid bildirib ki, cinsi xarakterli dipfeyklər insan hüquqlarını pozur və vətəndaşların rəqəmsal mühitdə təhlükəsizliyinə ciddi risk yaradır.
Məsələ ilə əlaqədar olaraq, rəsmi qurumlar sosial media platforması “X”in nümayəndələrini izahat üçün görüşə dəvət ediblər.
İlon Mask isə mövzuya münasibət bildirərək qeyd edib ki, “Grok” vasitəsilə qanunsuz məzmun yaradan istifadəçilər, həmin materialları özləri yükləmiş şəxslər kimi eyni hüquqi məsuliyyət daşıyacaqlar.
//Milli.az