Milli Məclisin deputatı Fazil Mustafa Heydər Əliyev Beynəlxalq Hava Limanından şəhər mərkəzinə nəqliyyatın təşkil olunmamasını ölkənin nüfuzuna mənfi təsir edən ciddi məsələ kimi qiymətləndirib.
Plenar iclas zamanı o bildirib ki, bu problem illərdir həllini tapmayıb və həm vətəndaşlar, həm də turistlər üçün ciddi narahatlıq yaradır.
Deputatın sözlərinə görə, Ombudsman da məsələ ilə bağlı mövqe bildirib və taksi inhisarının ləğv edilməsinin vacibliyini vurğulayıb. O qeyd edib ki, hava limanından şəhərə alternativ ictimai nəqliyyat vasitələrinin avtobus, qatar və ya sərnişin taksisi olmaması əsas çətinliklərdən biridir.
Fazil Mustafa əlavə edib ki, bu vəziyyət həm yerli sakinlər, həm də xarici qonaqlar üçün əlavə maliyyə yükü yaradır:
“Məsələn, Naxçıvandan gələn bir sərnişin ümumilikdə 100 manata qədər xərclə üzləşir. Bu da Azərbaycanın turizm imicinə zərbə vurur”.
//milli.az