UEFA Çempionlar Liqasının əsas mərhələsinin V turunda səfərdə “Napoli”yə qarşı matçda zədələnən “Qarabağ”ın futbolçusu Kevin Medinanın sağlamlıq durumuna aydınlıq gəlib.
Bu barədə “Qarabağ”ın Kommunikasiya departamentinin rəhbəri Anar Hacıyev məlumat verib. O, bildirib ki, futbolçu tezliklə matçlara qoşulacaq: “Bu gün aparılan müayinələrdən sonra kolumbiyalı müdafiəçinin vəziyyətinin normal olduğu müəyyənləşib. Komandamız sabah istirahət edəcək. Medinanın birigündən komanda ilə məşqlərə qoşulması gözlənilir”.
Qeyd edək ki, ötən gün “Napoli” ilə qarşılaşmanın 51-ci dəqiqəsində yaxın məsafədən vurulan zərbə kolumbiyalı müdafiəçinin üzünə tuş gəlib.
Nəticədə Kevin huşsuz vəziyyətdə yerə yıxılıb.
//milli.az