Dünyada ən çox istifadə olunan ağrıkəsici ilə bağlı qorxunc həqiqətlər üzə çıxıb.
Bu ABŞ-də aparılan araşdırma nəticəsində məlum olub.
Ohayo Dövlət Universitetinin alimləri bu dərmanın insan davranışına təsirini araşdırıb. Məlum olub ki, hər bir insanın qəbul etdiyi asetaminofen (paratsetamol) dərmanı insanların qorxu hissini azaldaraq onları daha cəsarətli və riskli qərarlar verməyə sövq edə bilər.
Tədqiqatda iştirak edən tələbələrə ya adi doza asetaminofen verilib, ya da plasebo. Onlar virtual şar şişirdərək pul qazanmağa çalışıblar – şar partlasa, hər şeyi itirirdilər. Asetaminofen qəbul edənlər daha çox risk edərək şarları daha çox şişirdiblər.
Tədqiqatın müəllifi Dr. Way deyib ki, asetaminofen qəbul edən insanlar riskləri daha az qorxulu görür və daha tez qərar verir.
Alimlər bildirir ki, bu dərman beynin təhlükəyə siqnal verən hissəsini zəiflədir, qorxu və narahatlıq hissini azaldır. Bu da insanların qumar, hətta aldatmaq və narkotik istifadə kimi riskli davranışlara daha meyilli olmasına səbəb ola bilər.
//milli.az